Ukraina 2024 yilda 200 ming kishini safarbar qilishga muvaffaq bo‘ldi — The Washington Post

Ukraina Qurolli kuchlarining sobiq bosh qo‘mondoni Valeriy Zalujniy armiya saflariga 500 ming kishini yollashga chaqirgan edi.

"Rossiya qo‘shinlari Ukrainada urush boshlanganidan beri eng tez sur’atlar bilan harakat qilmoqda, Moskva buning uchun o‘zining eng katta ustunligi – ko‘p miqdorda harbiylarga egalagidan foydalanmoqda", deb yozadi The Washington Post.

Avvalroq Rossiya rasmiylari so‘nggi bir yil ichida 427 ming kishi Rossiya Mudofaa vazirligi bilan Ukrainadagi urushda qatnashish uchun shartnoma imzolagani haqida xabar bergan edi.