Turkiyaning Diyorbakir viloyatida joylashgan Kulp tumanining qishloq hududida Kurdiston ishchi partiyasi jangarilari o‘tin yig‘ishga ketayotgan odamlar to‘la avtomobilni portlatib yubordi. Oqibatda 7 kishi halok bo‘lgan, 10 kishi jarohat olgan.
«Anadolu Ajansı» agentligi xabariga ko‘ra, portlashdan oldin voqea joyida tuman hokimligiga qarashli mashinani ko‘rishgan. Turkiya xavfsizlik kuchlari xodimlari o‘tkazgan amaliyot chog‘i Xalqlar demokratik partiyasi mahalliy bo‘linmasi rahbari hamda Kulp hokimligi ilmiy bo‘limi boshlig‘i qo‘lga olingan. Portlatishga bevosita aloqador shaxslar qidirilmoqda.
Tergov aniqlashicha, terrorchilar masofadan ishga tushiriluvchi portlovchi qurilmadan foydalanishgan. Portlash joyida diametri 1,5 metrlik chuqur hosil bo‘lgan. Jangarilar ko‘proq odamning qonini to‘kish uchun oldinda ketayotgan yog‘och ortilgan traktorni atayin o‘tkazib yuborgani aytilmoqda.
O‘g‘ri bojxonachilar 26 tonna oltin bilan qo‘lga tushdi
Germaniya va Shvesiya harbiy hamkorlikni kuchaytirmoqchi
Qodirov Estoniyaga raketa hujumlarini uyushtirishga chaqirmoqda
