Turkiya va Xitoy tashqi ishlar vazirlari Afg‘onistondagi gumanitar vaziyatni muhokama qilishdi

Turkiya tashqi ishlar vaziri o‘rinbosari Berris Ekinji Xitoy Tashqi ishlar vazirligining Afg‘oniston bo‘yicha maxsus vakili YuYE Syaoyun bilan Afg‘onistondagi vaziyatni muhokama qildi.

Bu haqda Turkiya tashqi ishlar vazirligi matbuot xizmati xabar berdi.

"Vazir o‘rinbosari Berris Ekinji Xitoy Tashqi ishlar vazirligining Afg‘oniston bo‘yicha maxsus vakili YuYE Syaoyun bilan uchrashdi”, — deyiladi Turkiya TIV ijtimoiy tarmoqdagi bayonotida.

Ma’lumotlarga ko‘ra, tomonlar Afg‘oniston bilan hamkorlik va mamlakatdagi gumanitar vaziyatni yaxshilashga qaratilgan sa’y-harakatlarni muhokama qilgan.