Tramp yana prezident bo‘lishi mumkinmi? Oq uy jimjit!

Oq uy Trampning uchinchi muddati ehtimoli haqida gapirdi.

Oq uy matbuot kotibi Kerolin Livitt AQSh prezidenti Donald Trampning uchinchi muddatga nomzod qo‘yishi mumkinligi haqidagi savolga to‘g‘ridan-to‘g‘ri javob bermadi.

"Siz prezidentga uchinchi muddat haqida savol berishni davom ettiryapsiz, u sizga samimiylik va tabassum bilan javob beryapti, keyin esa hammaning asablari taranglashyapti," - dedi Livitt jurnalistning tegishli savoliga javoban. Uning aytishicha, Tramp allaqachon "bu haqda gaplashishni xohlamasligini tushuntirgan".

"Uning to‘rt yili bor, hali oldinda ko‘p ish turibdi. Biz deyarli 100 kun ichida ko‘p narsaga erishdik va bu xalqqa ma’qul kelyapti," - deya yakunladi u.

Ilgari Amerika yetakchisi NBC News telekanaliga bergan sharhida uchinchi prezidentlik muddatiga qayta saylanish ehtimoli haqida gapirganda "hazillashmagani"ni aytgandi. Keyinroq jurnalistlar bilan suhbatda u bunday imkoniyat haqida gaplashishni istamasligini ta’kidladi. "Men shunchaki, tobora ko‘proq odamlar [menga] iltimos, qayta saylaning deyayotganini ta’kidlamoqchiman," - dedi u.