AQShning saylangan prezidenti Donald Tramp Ukrainada deyarli uch yildan beri davom etayotgan urushni tugatishga qat’iy ahd qilganini, uning bo‘lajak milliy xavfsizlik bo‘yicha maslahatchisi Mayk Uols CBS telekanaliga bergan intervyusida ma’lum qildi.
"Tramp aniq-ravshan aytmoqda: bu urush tugashi kerak. Bilasizmi, bu mojaro yakunlanishi lozim va prezident Tramp buni juda aniq tushuntirdi hamda bunga erishish niyatida. Hamma Ukrainadagi urushni to‘xtatishga rozi bo‘lishi kerak va (Ukraina prezidenti Vladimir) Zelenskiy ham bu nuqtai nazarni qo‘llab-quvvatlamoqda," - dedi maslahatchi.
Mayk Uols kelishuvning uchta asosiy jihatini ta’kidlab o‘tdi: muzokaralar ishtirokchilari tarkibi, ularni tashkil etish va kelishuv doirasi.
"Birinchidan, muzokaralar stoliga kimlarni taklif etamiz? Ikkinchidan, ularni qanday qilib stol atrofiga o‘tqazamiz? Va uchinchidan, kelishuv doirasi qanday bo‘ladi?" - dedi u.
Maslahatchi, shuningdek, Ukrainadagi urush "qirg‘inbarot" ekanligini va "Uchinchi jahon urushini keltirib chiqarishi" mumkinligi haqida ogohlantirdi.
AQSh Ukrainadagi mojaroda Rossiya g‘alaba qozonganini e’lon qildi
Rossiyaga qarshi sanksiyalar bekor qilinishi mumkin
Evropa Ittifoqi Ukrainaning mavjudligini rad etdi
