Janubiy Koreya prezidenti Li Chje Myon AQSh prezidenti Donald Trampga mamlakatning oliy davlat mukofoti — “Mugunxva” ordenini topshirdi, deb xabar beradi TASS.
Ushbu orden “davlatni mustahkamlash, tinchlikni ta’minlash va xalqlar farovonligiga beqiyos hissa qo‘shgan” Janubiy Koreya va boshqa mamlakatlar rahbarlariga beriladi. Mukofot davlat rahbarlarining turmush o‘rtoqlariga ham tegishli bo‘lishi mumkin. Donald Tramp bu unvonga sazovor bo‘lgan ilk AQSh prezidenti bo‘ldi.
Li Chje Myon, shuningdek, Oq uy rahbariga Silla qadimiy Koreya qirolligi tojining zarhallangan nusxasini sovg‘a qildi. Bu mashhur “Chonmachongning oltin toji”ning nusxasi bo‘lib, uning asli Kyonju Milliy muzeyida saqlanadi. Oltinlangan replika maxsus sovg‘a sifatida tayyorlangan, chunki Koreya OAVlariga ko‘ra, u Trampning shaxsiy estetik afzalliklariga mos keladi.