Tramp oltita asosiy shtatda mashhurlik bo‘yicha Baydendan oldinda bormoqda

AQShning sobiq prezidenti Donald Tramp bo‘lajak prezidentlik saylovlari natijalarini hal qilishi mumkin bo‘lgan oltita shtatda qo‘llab-quvvatlash bo‘yicha Oq uyning amaldagi vakili Jo Baydendan oldinda, deb xabar beradi TASS.

Amerikaning Emerson College universitetining tahliliy xizmati va The Hill gazetasi tomonidan o‘tkazilgan so‘rov natijalariga ko‘ra, Tramp Baydendan Arizonada (47% dan 43%), Jorjiyada (45% da 41%), Viskonsinda (47% dan 44%), Nevadada (46% dan 43%), Pensilvaniyada (47% dan 45%) va Michiganda (46% dan 45%) ustunlikka ega. Qayd etilishicha, so‘rov ishtirokchilarining aksariyati sobiq prezident va Amerikaning amaldagi yetakchisining o‘g‘li Xanter Baydenga nisbatan chiqarilgan ayblovlar ularning ovozlariga ta’sir qilmasligini ma’lum qilgan.

So‘rov 13 iyundan 18 iyunga qadar o‘tkazildi. Unda har bir shtatdan ro‘yxatga olingan 1 ming nafar amerikalik saylovchi ishtirok etdi.

5 noyabr kuni AQShda navbatdagi saylovlar bo‘lib o‘tadi. 81 yoshli demokrat Jo Bayden va 77 yoshli respublikachi Donald Tramp ikki yetakchi partiyadan Vashington ma’muriyati rahbari lavozimiga nomzod sifatida rasman ko‘rsatilishini allaqachon kafolatlagan. Ularning nomzodlari iyul va avgust oylarida respublikachilar va demokratlarning milliy partiya qurultoylarida rasman tasdiqlanishi kerak. Shu tariqa kurash to‘rt yil avval, Bayden prezidentlikka qayta saylanmoqchi bo‘lgan Trampni mag‘lubiyatga uchratganidek, xuddi shu nomzodlar o‘rtasida bo‘lishini taxmin qilish mumkin.