AQSh Kongressi Vakillar palatasi qo‘mitasi sobiq prezident tarafdorlari Kapitoliyga bostirib kirgan 2021 yil 6 yanvar voqealari bo‘yicha tergov doirasida Trampni rasman ko‘rsatma berishga chaqirishga qaror qildi.
"U javobgarlikka tortilishi kerak. U o‘z qilmishlari uchun javob berishi kerak", — dedi qo‘mita raisi Benni Tompson Trampni ko‘rsatma berishga chaqirtirish qarorini izohlar ekan.
Qo‘mita a’zolarining fikricha, Donald Tramp 6 yanvar voqealarida bevosita aybdor: "u prezidentlik saylovlari natijalari soxtalashtirilganligini hech qanday dalilsiz aytdi va nutqidan so‘ng darhol uning tarafdorlari Kapitoliy binosiga bostirib kirishdi".
Buning natijasida besh kishi halok bo‘lgan, yuzlab odamlar jarohat olgan edi.