Tramp Eron taklifiga shubha bilan qaramoqda — zarbalar qayta boshlanishi mumkin

AQSh prezidenti Donald Tramp Eronning yetti kunlik o‘t ochmaslik rejimi va Hurmuz bo‘g‘ozini ochish bo‘yicha taklifiga shubha bilan qaramoqda. The Wall Street Journal nashri Vashingtondagi amaldorlarga tayanib xabar berishicha, Tramp noyabr oyida AQSh Kongressiga bo‘lib o‘tadigan oraliq saylovlardan keyin Eronga qarshi zarbalarni qayta boshlash imkoniyatini ham ko‘rib chiqmoqda.

"Tramp yopiq suhbatlarda Eron uning talablarini bajarishiga shubha bildirgan. Shuningdek, u o‘z xodimlariga bombardimonlar qayta boshlanishi ehtimoli yuqori, deb hisoblashini aytgan", — deyiladi nashr xabarida.

Manbalarga ko‘ra, hozircha yakuniy qaror qabul qilinmagan. Trampning keyingi pozisiyasiga noyabrdagi AQSh Kongressi oraliq saylovlari natijalari ham ta’sir qilishi mumkin.

Reuters esa hozircha The Wall Street Journal tarqatgan ushbu ma’lumotni mustaqil ravishda tasdiqlay olmaganini qayd etgan.