Ramazon hayiti munosabati bilan 2026 yil 20 mart kuni Toshkent shahrida jamoat transporti — avtobuslar va metropoliten ish faoliyati ertalabki soat 04:00 dan boshlanadi.
Bu haqda Transport vazirligi ma’lum qildi.
Qayd etilishicha, mazkur qaror hayit namozida ishtirok etishni rejalashtirayotgan fuqarolar uchun qo‘shimcha qulaylik yaratish, yo‘llardagi tirbandliklarning oldini olish hamda bayram kunlari jamoat transporti xizmatlarini xavfsiz va sifatli tashkil etish maqsadida qabul qilindi.