Poytaxtda 2021 yilning boshidan buyon fuqarolarda sovuq qurol va boshqa buyumlar topilishi bilan bog‘liq 655 ta fakt aniqlandi. Bu haqda Toshkent shahar IIBB matbuot xizmati xabar bermoqda.
Tekshiruvlar davomida 567 ta pichoq, 3 ta bolta, 11 ta kastet, 34 ta bita va boshqa buyumlar topilgan.
Fuqarolarga nisbatan Ma’muriy javobgarlik to‘g‘risidagi kodeksining 185-2 (sovuq qurolni yoki sovuq qurol sifatida foydalanilishi mumkin bo‘lgan ashyolarni olib yurish) moddasi bo‘yicha tegishli bayonnomalar rasmiylashtirildi.
Bundan tashqari, o‘quv dargohlarida o‘tkazilgan tekshiruvlar davomida o‘quvchilardan 25 ta pichoq, 7 ta kastet va boshqa xavfli buyumlar topilgani ma’lum qilindi.
Eslatib o‘tamiz, sovuq qurol sifatida foydalanilishi mumkin bo‘lgan ashyolarni ulardan kasbiy faoliyatda, sport faoliyatida yoki xo‘jalik-maishiy maqsadlarda foydalanish bilan bog‘liq bo‘lgan hollarda, jamoat joylarida ochiq (g‘ilofsiz) holda olib yurish — bazaviy hisoblash miqdorining ikkidan bir qismidan bir baravarigacha miqdorda jarima solishga sabab bo‘ladi.
Alisher Usmonov Aliya bilan onlayn efirda gaplashganligi aks etgan video tarqatilmoqda
Xavotirli signal: “Dehqonobod kaliy zavodi” tog‘-kon majmuasi hududida xavfli yoriqlar paydo bo‘lgan (VIDEO)
Toshkentda poygada halok bo‘lgan yigit taniqli avtotyuning asoschisi ekani ma’lum bo‘ldi
