Davlat bojxona qo‘mitasining Kontrabanda va bojxona qonunchiligi buzilishiga qarshi kurashish boshqarmasi tomonidan qurol-yarog‘ va giyohvandlik vositalarining noqonuniy aylanmasiga doir navbatdagi qonunbuzarlik holatini fosh etishdi.
Toshkent viloyati Yangiyo‘l tomonidan o‘tkazilgan tezkor tadbir davomida tezkor kuzatuvga olingan fuqaro M.G‘.ning yashash xonadoni va yordamchi xo‘jaliklari amaldagi tartiblarga asosan va xolislar ishtirokida ko‘zdan kechirildi.
Natijada, xonadonning eski oshxonasida hech qanday hujjatlari bo‘lmagan 1 stvolli, 12 kalibrli 1 dona ov quroli yashirilgani aniqlandi.
Shuningdek, ko‘zdan kechirish davomida hovlidagi daraxatlarga quritish maqsadida ilib qo‘yilgan hamda traktor g‘ildiraklari orasiga yashirib qo‘yilgan ko‘knori hashaklari va boshoqlari ham ashyoviy dalil sifatida olib qo‘yildi.
Ularning umumiy og‘irligi esa 2 kg. 200 gr.ni tashkil qilar ekan.
Davlat Bojxona qo‘mitasi Matbuot xizmati xodimi Husan Tangriyev bu haqda «7news.uz» ga ma’lum qildi.
Hozirda ushbu holat yuzasidan dastlabki tekshiruv harakatlari olib borilmoqda.
Afg‘onistonda "Tolibon"ning nufuzli amaldori shov-shuvli tarzda o‘ldirildi
Xorazmda bir ayol uyiga mehmon bo‘lib kelgan ayolni o‘ldirib, hovliga ko‘mib yubordi
Rossiyaga o‘qishga ketgan toshkentlik yigit hozir terrorchi. U qidiruvda
