Toshkent shahridagi Tashkent City bog‘ida Yangi yil bayrami tadbirlari o‘tkazilishi sabab Shayxontohur tumanidagi ayrim ko‘chalar harakat uchun vaqtincha yopildi. Bu haqda shahar ichki ishlar bosh boshqarmasi axborot xizmati xabar qildi.
Unga ko‘ra, 25 dekabrdan 10 yanvarga qadar Tashkent City bog‘i ichida, jumladan, O‘qchi, Yangi Toshkent, Zargar ko‘chalarida transport vositalarining harakatlanishiga cheklov kiritiladi.
Hududda o‘tkazilayotgan bayram tadbirlariga tashrif buyurish istagida bo‘lgan fuqarolar avtomashinalarini Islom Karimov ko‘chasi orqali SQB va Asaka Bank yerosti avtoturargohlariga, Furqat ko‘chasi orqali Boulevard turar joy majmuasi yerosti turargohiga, Botir Zokirov va Zargar ko‘chalari orqali Tashkent City Mall ko‘ngilochar savdo majmuasining yerosti avtoturargohiga qo‘yishi mumkin.
IIBB haydovchilarga yondosh ko‘chalardan harakatlanishni tavsiya qildi va noqulayliklar uchun aholi va mehmonlardan uzr so‘ragan.
Havo harorati asta-sekin ko‘tarilishi kutilmoqda
AQSh Ukrainaning Rossiya hujumini to‘xtata olmasligini e’lon qildi
AQSh dollari ko‘tarilishda davom etmoqda
