Yangi o‘quv yilining boshlanishi munosabati bilan Toshkent metropolitenida yo‘lovchilar oqimi ortishiga tayyorgarlik ko‘rilmoqda. Poytaxtdagi oliy ta’lim muassasalarida mashg‘ulotlarning birinchi smenasi soat 08:00 dan boshlanishi sababli ertalabki va kechki tig‘iz vaqtlarda poyezdlar harakati intervallari qisqartiriladi.
Xususan, Chilonzor yo‘nalishida poyezdlar 1,5–2 daqiqada, O‘zbekiston yo‘nalishida 3 daqiqada, Yunusobod yo‘nalishida 4 daqiqada, Yer usti halqa yo‘lida esa 7–8 daqiqada harakatlanishi rejalashtirilgan.
Shuningdek, 2026 yil davomida metro vagonlari parkini 14 ta zamonaviy harakat tarkibi bilan to‘ldirish ko‘zda tutilgan. Hozirga qadar 11 ta tarkib yetkazib berilgan.
Yo‘lovchilar xavfsizligi va xizmat ko‘rsatish sifatini ta’minlash maqsadida tig‘iz vaqtlarda metropolitenning barcha 50 ta bekatida navbatchilik tizimi yo‘lga qo‘yilgan.
"Bu bosib olingan hudud emas. Bu bizning yerimiz..."
Kiyevning bir necha oyi qoldi
Uch yoshida taxtga chiqqan Uganda monarxi 34 yoshida vafot etdi
