Ispaniyalik aralash yakkakurash ustasining UFC Freedom 250 bayram turnirining asosiy jangi bo‘lmay qolgan Islam Maxachevga qarshi to‘qnashuvdan qancha gonorar olmoqchi bo‘lgani ochiqlandi.
Iliya Topuriya rossiyalik bilan jangni 20 million dollarga baholagan. Bu haqda Islam Adam Zubayrayevga bergan intervyusida dunyoning eng kuchli ligasi ushbu jangni tashkil etishga urinayotgani haqida gapirib berdi.
"Menga qo‘ng‘iroq qilishdi, jang taklif etildi - men rozi bo‘ldim. Ertasi kuni qayta qo‘ng‘iroq qilib, Iliya Topuriya 20 million dollar xohlaganini, rad etilganini va jang bekor qilinganini aytishdi", - dedi yarim o‘rta vazn toifasidagi amaldagi UFC chempioni Islam Maxachev.
Natijada "El Matador"ning raqibi divizionning vaqtinchalik chempioni amerikalik Jastin Getji deb e’lon qilindi. U ertaga tongda Amerika mustaqilligining 250 yilligiga bag‘ishlangan bayram tadbirining asosiy voqeasida Topuriyaga qarshi oktagonga chiqadi.
Islam Maxachev esa 15 avgust kuni Filadelfiyada bo‘lib o‘tadigan UFC 330 turnirida oktagonga qaytishni rejalashtirmoqda. U yerda yarim o‘rta vazn toifasining eng yaxshi jangchilaridan biriga qarshi chempionlik kamarini himoya qiladi. Hozircha raqib nomi rasman e’lon qilinmagan.
Jaloliddin Masharipov terma jamoa qaydnomasidan chiqarilmoqda
JChda Masharipovning o‘rnini kim egallashi ma’lum bo‘ldi
Zo'r TV telekanali 13-iyun kuni JCH-2026ning 4 ta o‘yinini jonli translyasiya qiladi
