Испаниялик аралаш яккакураш устасининг UFC Freedom 250 байрам турнирининг асосий жанги бўлмай қолган Ислам Махачевга қарши тўқнашувдан қанча гонорар олмоқчи бўлгани очиқланди.
Илия Топурия россиялик билан жангни 20 миллион долларга баҳолаган. Бу ҳақда Ислам Адам Зубайраевга берган интервьюсида дунёнинг энг кучли лигаси ушбу жангни ташкил этишга уринаётгани ҳақида гапириб берди.
"Менга қўнғироқ қилишди, жанг таклиф этилди - мен рози бўлдим. Эртаси куни қайта қўнғироқ қилиб, Илия Топурия 20 миллион доллар хоҳлаганини, рад этилганини ва жанг бекор қилинганини айтишди", - деди ярим ўрта вазн тоифасидаги амалдаги UFC чемпиони Ислам Махачев.
Натижада "Эл Матадор"нинг рақиби дивизионнинг вақтинчалик чемпиони америкалик Жастин Гэтжи деб эълон қилинди. У эртага тонгда Америка мустақиллигининг 250 йиллигига бағишланган байрам тадбирининг асосий воқеасида Топурияга қарши октагонга чиқади.
Ислам Махачев эса 15 август куни Филадельфияда бўлиб ўтадиган UFC 330 турнирида октагонга қайтишни режалаштирмоқда. У ерда ярим ўрта вазн тоифасининг энг яхши жангчиларидан бирига қарши чемпионлик камарини ҳимоя қилади. Ҳозирча рақиб номи расман эълон қилинмаган.
Жалолиддин Машарипов терма жамоа қайдномасидан чиқарилмоқда
ЖЧда Машариповнинг ўрнини ким эгаллаши маълум бўлди
Zo'r TV телеканали 13-июнь куни ЖЧ-2026нинг 4 та ўйинини жонли трансляция қилади
