Qozog‘istonning Taraz shahri yaqinidagi o‘q-dorilar saqlanadigan omborda 10 oktyabr, yakshanba kuni portlash sodir bo‘ldi. Bu haqda mamlakat Mudofaa vazirligi matbuot xizmatiga tayanib, «Tengrinews.kz» xabar berdi.
Ma’lum qilinishicha, hodisa taxminan soat 06:20 da yuz bergan. Jambil viloyati Sarikemer qishlog‘idagi o‘q-dorilar ombori hududida avvalroq yong‘in oqibatida zararlangan portlovchi qurilma ishga tushgan.
«Portlash oqibatida o‘q-dori parchalarining havoga tarqalishi kuzatilmagan. Hodisa paytida hech kim ish olib bormagan, yaqin atrofda odamlar bo‘lmagan. Bino va inshootlarga hech qanday zarar yetmagan. Hududda vaziyat barqaror», deyilgan xabarda.
Ta’kidlanishicha, kelajakda shunga o‘xshash holatlarning kuzatilishini istisno etib bo‘lmaydi. Bundan tashqari, ombor hududida o‘q-dorilarni nazorat ostida yo‘q qilish amalga oshiriladi. Hozirda avgust oyida yong‘in sodir bo‘lgan portlash ob’ektlaridan texnik maydonni tozalash ishlari davom etmoqda.
O‘g‘ri bojxonachilar 26 tonna oltin bilan qo‘lga tushdi
O‘zbekiston Eron Prezidenti bo‘lgan vertolyotning baxtsiz hodisaga uchrashiga munosabat bildirdi
Pentagon rahbari Ostin AQShning Raisiy vertolyoti halokatiga aloqador emasligiga ishontirdi
