Ko‘plab shov-shuvli ishlarda advokatlik qilgan huquqshunos Umid Davlatov vafot etdi. Bu haqda deputat Rasul Kusherbayev o‘zining Telegram-kanalida xabar berdi.
Xabarda aytilishicha, o‘limning sababi noma’lum. Ijtimoiy tarmoqlarda advokat qon bosimi ko‘tarilib ketishi oqibatida vafot etgani haqida xabarlar paydo bo‘ldi. Shuningdek, marhumni tanigan foydalanuvchilarning yozishicha, ayni damda o‘lim sababini aniqlash maqsadida tibbiy ekspertiza o‘tkazilmoqda.
Umid Davlatov ko‘plab shov-shuvli sud ishlarida advokatlik qilgan. Xususan, bloger Otabek Sattoriyning adkovati sifatida sudda uning huquqlarini himoya qilgan. Davlatov xorazmlik bloger va huquq faoli Nafosat Olloshukurova ishida ham advokat sifatida ishlagan.
