Tailand parlamenti bir jinsli nikohlar haqidagi qonunni qabul qildi

Tailand parlamentining quyi palatasi bir jinsli nikohni qonuniy tan olish to‘g‘risidagi qonun loyihasini ma’qulladi. Bu haqda VVS yozdi.

Qonun loyihasi endi Tailand Senati va Qirol tomonidan tasdiqlanishi kerak. Ammo qonun bu bosqichlardan o‘tishi kutilmoqda va yil oxiriga kelib Tailand Janubi-Sharqiy Osiyoda bir jinslilar ittifoqini tan olgan birinchi davlatga aylanadi.

“Bu tenglikning boshlanishi. Bu qonun ushbu guruhdagi odamlarga bu huquqlarni berishni emas, balki ularni qaytarishni istaydi", – dedi qonun loyihasini palataga kiritayotgan deputat Danupxorn Punnakanta.

Qonun loyihasini qabul qilishda ishtirok etgan 415 deputatdan 400 nafari ovoz berdi.

Qonun bunday nikohni avvalgidek erkak va ayolning emas, balki ikki kishining sherikligi sifatida belgilaydi. Bir jinsli er-xotinlar nikoh soliq imtiyozlaridan foydalanish, bir-birlarining mol-mulkini meros qilib olish, agar turmush o‘rtoqlardan biri aqldan ozgan bo‘lsa, tibbiy yordamga rozilik olish huquqiga ega bo‘ladi.

Bir jinsli juftliklar ham farzand asrab olishi mumkin.