"Xavfsiz va sog‘lom yurt" tezkor-profilaktik tadbirlari doirasida Davlat xavfsizlik xizmatining Surxondaryo viloyati bo‘yicha boshqarmasi xodimlari tomonidan Ichki ishlar va Bojxona organlari bilan hamkorlikda giyohvandlik vositalarining noqonuniy aylanmasiga chek qo‘yildi.
1.Jumladan, Denov tumanida istiqomat qiluvchi, 1980 y.t., muqaddam giyohvandlik vositalari savdosi bilan bog‘liq jinoyati uchun sudlangan shaxsning yashash xonadoni ko‘zdan kechirilganda, u kelgusida sotish maqsadida 1 kg 7 gr “opiy” va 998 gr “gashish” moddalarini saqlab kelayotganligi ma’lum bo‘ldi.
2.Mazkur tumanda kuzatilgan boshqa holatda esa 1986 va 1966 yillarda tug‘ilgan, muqaddam giyohvandlik vositalari savdosi bilan bog‘liq jinoyatlari uchun sudlangan 2 nafar fuqaro 491 gr “gashish” moddasini shartli xaridorga 85 mln so‘mga sotgan vaqtlarida ashyoviy dalillar bilan ushlandi.
3.Bu kabi holat viloyat markazida ham qayd etilib, 2003 y.t. Afg‘oniston fuqarosi “Termiz xalqaro savdo markazi” hududida 506 gr “opiy” moddasini shartli xaridorga 2500 AQSh dollariga sotgan vaqtida qo‘lga olindi.
Aniqlanishicha, u qo‘shni davlatdan giyohvandlik vositasini yashirin tarzda olib kelishda o‘z ichki organidan “jonli konteyner” sifatida foydalangan.
Hozirda har uchala holat yuzasidan mazkur shaxslarga nisbatan jinoyat ishlari qo‘zg‘atilib, tergov harakatlari olib borilmoqda.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
Respublikadagi uchta 11-sinfning barcha bitiruvchilari talaba bo‘ldi
AQSh elchisi dunyo boshqaruvini yahudiylarga berish taklifi bilan chiqdi
