Suriyadagi jangovar harakatlarda ishtirok etib yurgan andijonlik erkak qidirilmoqda

Terrorchilik tashkiloti a’zosi bo‘lgan andijonlik fuqaro qidirilmoqda. Bu haqda Andijon viloyati IIB axborot xizmati xabar berdi.

Ma’lum qilinishicha, Dilshod Abdullayev 1982 yil Andijon viloyatining Izboskan tumanida tug‘ilgan. U 2018 yilda Janubiy Koreyaga boradi va “Javhad an nusra” xalqaro terroristik tashkilotning tarkibiy bo‘linmasi hisoblangan “Tavhid va jihod katibasi” guruhining g‘oyaviy yetakchilari ta’siriga tushib qoladi. Ushbu tashkilot g‘oyalarini qo‘llab-quvvatlab, Janubiy Koreyadan Turkiyaga, u yerdan Suriyaga o‘tib, terrorchilik tashkiloti tarkibida faol jangovar harakatlarda qatnashib kelgan.

Dilshod Abdullayev hozirda ham jangovar harakatlarda ishtirok etib kelayotgani aniqlangan. Olib borilgan surishtiruvlar natijasida unga nisbatan 2023 yilda jinoyat ishi qo‘zg‘atilib, qidiruv e’lon qilingan.