Superliga 2025 yilgi mavsumi 7 mart kuni start oladi

O‘zbekistonda 2025 yilgi yangi futbol mavsumi qachondan start olishi ma’lum bo‘ldi.

O‘zbekiston Professional futbol ligasi rasmiy saytida 2025 yilgi musobaqalar ishchi taqvimi joylashtirilgan bo‘lib, unga ko‘ra Superliga yangi mavsumi 7 mart kunidan start olishi belgilangan. Xususan, 1-tur uchrashuvlari 7-8-9 mart kunlari o‘tkazilishi rejalashtirilgan. 2-tur o‘yinlari 14-15-16 martda o‘tkazilsa, FIFA kunlari doirasida O‘zbekiston milliy jamoasi 20 mart (Qirg‘iziston) va 25 mart (Eron) kunlari o‘z o‘yinlarini o‘tkazishi bois, 3-tur bahslari 27-30 mart kunlari bo‘lib o‘tadi.

Ushbu mavsumda Superliga o‘yinlari asosan dam olish kunlari – shanba va yakshanbaga belgilangan.

Superliga-2025 bahslariga fevral oyi boshida qur’a tashlanishi kutilmoqda.

Superliga-2025 1-davra tur o‘yinlari sanasi:
1-tur – 7-8-9 mart
2-tur – 14-15-16 mart
3-tur – 27-28-29-30 mart
4-tur – 4-5-6 aprel
5-tur – 11-12-13 aprel
6-tur – 18-19-20 aprel
7-tur – 25-26-27 aprel
8-tur – 2-3-4 may
9-tur – 9-10-11 may
10-tur – 16-17-18 may
11-tur – 23-24-25 may
12-tur – 30-31 may va 1 iyun
13-tur – 12-13-14-15 iyun.