O‘zbekistonda yoshlar o‘rtasidagi jinoyatchilik 36.2 foizga kamaygan. “Qalampir.uz” internet nashriga yetib kelgan ma’lumotga ko‘ra, yoshlar o‘rtasidagi jinoyatchilik 2017 yilning shu davriga nisbatan 31,5 foizga, voyaga yetmaganlar o‘rtasidagi jinoyatchilik 36,2 foizga kamaygan.
O‘zbekiston Respublikasi Oliy sudi va O‘zbekiston yoshlar ittifoqi Markaziy Kengashi o‘rtasida imzolangan memorandumga ko‘ra, bugungi kunda adashib jinoyat yo‘liga kirgan, sodir etgan jinoiy qilmishidan chin ko‘ngidan pushaymon bo‘lgan 208 nafar yoshlar O‘zbekiston yoshlar ittifoqi hududiy Kengashlarining “Yoshlar kafilligi” asosida sud zalidan ozod qilingan.
Sudlar tomonidan ularga ozodlikdan mahrum qilish bilan bog‘liq bo‘lmagan jazo turi tayinlandi.
Manba: qalampir.uz
