Rossiyalik xonanda Maksim sun’iy nafas yetkazish apparatiga ulandi va rejalashtirilgan tarzda komaga tushirildi. Ijodkorning menejeri uning koronavirusga chalingani, ammo test natijalari virusning mavjud emasligini ko‘rsatgani haqida ma’lum qilgan.
Xabar berilishicha, shifokorlar Maksimga og‘ir pnevmoniya tashxisini qo‘yishgan. O‘pkalar qattiq zararlangan, saturasiya ko‘rsatkichlari haddan tashqari past ekani aytilmoqda.
“Qonning kislorod bilan to‘yinish darajasi juda past. U kislorodga javob qaytarmadi, o‘pkalar ham tozalanmadi. Shu tufayli shifokorlar uni komaga tushirishga qaror qilishdi”, dedi xonandaning menejeri.
Maksim bir necha kunni komada o‘tkazishi taxmin qilinmoqda.