Do‘stona gurung mastona janjalga aylanishi hech gap emas ekan. J.S. tanishi YA.M.ning xonadonida spirtli ichimlik iste’mol qilib, o‘zini nazorat qila olmas darajaga yetdi. O‘zaro kelishmay qolishgach, J.S. uydan chiqayotganida xonadonning eshigini tepib sindirdi. Janjal ko‘chada davom etdi.
“Postda” muxbiri Abdurahmon Mustafoqulovning xabar berishicha, Guliston shahar IIO FMB HPB tomonidan mazkur hodisa nazoratga olinib, zarur hujjatlar rasmiylashtirildi.
JIB Guliston shahar sudining qaroriga ko‘ra fuqaro YA.M. ga besh sutka ma’muriy qamoq, J.S.ga 1.225.000 so‘m jarima jazosi tayinlandi.