Germaniyaning Siemens konsernining Ispaniya bo‘limi rahbari Agustin Eskobar Nyu-Yorkda vertolyotning Gudzon daryosiga qulashi oqibatida oilasi bilan birga halok bo‘ldi.
Bu haqda The New York Post gazetasi huquq-tartibot idoralaridagi manbalariga tayanib yozgan.
Jurnalistlarga ko‘ra, Siemens kompaniyasining Ispaniya bo‘limi rahbari Agustin Eskobar va uning oilasi Gudzondagi vertolyot halokati qurbonlari sifatida aniqlangan.
"Halokat natijasida Siemens kompaniyasining Ispaniyadagi prezidenti va bosh direktori Agustin Eskobar, uning rafiqasi va ularning uch farzandi halok bo‘ldi", — deyiladi NYP nashri.
Ayni vaqtda vertolyot uchuvchisining jasadi hozircha aniqlanmagan.
