Shri-Lanka bosh vaziri Ranil Vikramasingxe ko‘p oylardan beri og‘ir inqirozni boshidan kechirgan orol davlatining iqtisodiyoti tanazzulga yuz tutganini, hukumat hatto neft importi uchun pul to‘lashga ham qodir emasligini ma’lum qildi.
Parlamentda so‘zga chiqqan Vikramasingxe gap faqat yoqilg‘i, gaz, elektr energiyasi va oziq-ovqat taqchilligida emasligini ta’kidladi. “Iqtisodiyotimiz butunlay qulab tushdi. Defolt bor”, dedi u.
Vikramasingening so‘zlariga ko‘ra, hukumat jarayonni ortga qaytarish imkoniyatini qo‘ldan boy berdi.
Shri-Lanka fuqarolari kuniga 13 soatgacha bo‘lgan elektr ta’minotidagi uzilishlarni to‘xtatishni talab qilib, mart oyining oxiridan beri namoyishlar o‘tkazmoqda.
9 may kuni bosh vazirlik binosi oldidagi namoyishlar chog‘ida namoyishchilar va hukumat tarafdorlari o‘rtasida to‘qnashuvlar kelib chiqdi. Poytaxt Kolomboga qo‘shin kiritildi.
Muxolifatning keskin tanqidiga javoban 9 may kuni bosh vazir Mahinda Rajapaksa iste’foga chiqdi. Vazirlar Mahkamasi tarqatib yuborildi.
12 may kuni prezident Gotabaya Rajapaksa sobiq bosh vazir Ranil Vikramasingeni Vazirlar Mahkamasining yangi rahbari etib tayinladi.
Shri-Lankadagi ommaviy namoyishlar chog‘ida 8 kishi, jumladan, hukmron partiyadan bir deputat va 2 nafar polisiyachi halok bo‘lgan, 250 kishi yaralangan.
Ma’lumot uchun. Shri-Lankaning aholisining o‘n foizdan ko‘prog‘ini (3 mln ga yaqin) musulmonlar tashkil etadi.
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
