Bugun 19 noyabr, 2026 yil, payshanba

КИР

Shohjahon Ergashev bugun soat 21:00 da ringga chiqadi

A A A
Shohjahon Ergashev bugun soat 21:00 da ringga chiqadi

Bugun professional bokschimiz Shohjahon Ergashev Rossiyaning Krasnodar shahrida faoliyatidagi navbatdagi jangini o‘tkazadi.

Bugungi jangda nokautchi nomini olgan hamyurtimizga argentinalik Nazareno Gaston Ruiz raqiblik qiladi. Aslida Ergashev ugandalik Badru Lusambiya bilan jang o‘tkazishi kerak edi. Lekin jangga uch kun qolganida Badruning Krasnodarga kela olmasligi ma’lum bo‘ldi.

"Olamsport" nashri xabariga ko‘ra, kecha bokschilar tarozidan o‘tish marosimida ishtirok etishdi. Har ikkala bokschi ham belgilangan vazn me’yorini bajarishdi. Bugun rejaga ko‘ra Shohjahon Ergashev va Nazareno Gaston Ruiz o‘rtasidagi jang Toshkent vaqti bilan soat 21:00da boshlanishi kerak.

Ma’lumot uchun, Shohjahon shu kungacha professional ringda 15ta jang o‘tkazgan va ularning barchasida g‘alaba qozongan. Bahslarning 14 tasida raqiblarini muddatidan oldin mag‘lub etgan. Ruiz esa 49 marotaba ringga ko‘tarilgan va ularning 32 tasiga g‘alaba qozongan (11 ta nokaut). 17 marotaba imkoniyatni boy bergan (2 ta nokaut).

Bugun Krasnodardagi “Olimp” sport saroyida bo‘lib o‘tadigan jangda hamyurtimizga g‘alaba tilaymiz. Shohjahon ayni paytda o‘z vazn toifasida WBA International chempionlik kamari sohibi bo‘lib turibdi.

Kiritildi: 11:54 14.12.2018. O'qildi: 4634 marta. Fikrlar soni: 0 ta.
telegram channel

Eng ko'p o'qilgan yangilik