Avstraliyalik senator Freyzer Enningning boshida tuxum chaqqan yigitcha o‘zi uchun yig‘ilgan pullarning katta qismini Kraystcherchdagi terakt qurbonlarining oilalariga beradi.
Avvalroq senator Enning Yangi Zelandiyadagi teraktni izohlar ekan, bunda musulmonlarning o‘zini ayblagan edi. Uning gaplariga norozilik sifatida 17 yoshli Uill Konnolli senatorning boshida tuxum chaqdi.
New Zealand Herald nashrining yozishicha, GoFundMe kraudfanding platformasida yuridik xizmatlar haqini to‘lashi va ko‘proq tuxum sotib olishi uchun Uilli Konnolliga pul yig‘ish boshlangan. Kampaniya doirasida 42 ming dollar yig‘ilgani aytilmoqda.