Favqulodda vaziyatlar vazirligi axborot xizmati rahbari o‘rinbosari Samandar Hikmatullayev «Sardoba» suv toshqini talofatlarini bartaraf etish bo‘yicha amalga oshirilayotgan ishlar borasida ma’lumot berdi.
— Mirzaobod, Sardoba, Oqoltin tumanlarida joylashgan 6 ta qabristondagi 311 ta qabr qayta tiklandi.
— Nobud bo‘lgan 26 ta hayvonning jasadlari ko‘mildi va ko‘milgan joylar dezinfeksiya qilindi.
— 4 877 ta zarar ko‘rgan xonadon va 88 ta ijtimoiy soha ob’ektidagi hojatxonalar o‘rganilib, 4 965 ta dezinfeksiya ishlari tugatildi.
— 5 171 ta uy loyqadan tozalandi va 84 tonna chiqindi olib chiqildi.
— 62 mingga yaqin uy hayvoni kuydirgi kasalligiga qarshi emlandi.
— Qozog‘istonda toshqin oqibatlarini bartaraf etish tadbirlari uchun, Turkiston viloyati Maktaaral va Jetisay tumanlaridagi amaliy ishlarga 180 nafar shaxsiy tarkib va 89 ta texnika jalb etilgan.