Samarqandda daraxtlarni noqonuniy kesib tashlanganlarga jinoiy ish qo‘zg‘atiladigan bo‘ldi, deb xabar bermoqda viloyat Ekologiya boshqarmasi matbuot xizmati.
Ma’lum qilinishicha, Samarqand viloyati Ekologiya boshqarmasi Ekologik nazorat inspeksiyasi hamda shahar nazorat inspeksiyasi tomonidan nazorat reyd tadbiri olib borilgan. Tadbir davomida Samarqand shahrida qurilish ishlarini olib borayotgan “S.E.SH” MCHJ tomonidan daraxtlar kesib tashlangani aniqlangan.
Holat bo‘yicha olib borilgan tezkor harakatlar natijasida ma’lum bo‘lishicha, qurilish korxonasi mas’ullari tomonidan hududda mavjud 4 tup qimmatbaho va 1 tup kam qimmatli turdagi daraxtni ildiz qismi bilan qazib tashlab, yo‘q qilingan.
Foto: Samarqand viloyati Ekologiya boshqarmasi
Hozirda daraxtlarning yo‘q qilinishi natijasida o‘simlik dunyosiga yetkazilgan zarar hisoblanib, jinoyat alomatlari bo‘lgani uchun tegishli hujjatlar belgilangan tartibda rasmiylashtirilib, qonuniy chora ko‘rish uchun huquqni muhofaza qiluvchi organlariga taqdim etilgan.
Eron zarbasidan keyin Isroil havo kuchlari bazasining sun’iy yo‘ldosh tasvirlari e’lon qilindi
Ukrainaga «Barcha bombalarning otasi» tashlandi
Saudiya Arabistoni Tashqi ishlar vazirligi rahbari bugun qiziqarli bayonot berdi
