Samarqandda suv talashgan uka o‘z akasini miltiqda otib qo‘ydi

Joriy yilning 12 fevral kuni Narpay tumani Xo‘jakarzon mahallasidagi fermer xo‘jaligi hududida aka-ukalar o‘rtasida ariqdan suv o‘tkazish masalasida kelishmovchilik kelib chiqqan. Tortishuv janjalga aylanib, uka o‘ziga tegishli «IJ-18» rusumli ov qurolidan akasiga qarata o‘q uzgan.

Sud-tibbiyot ekspertizasi dastlabki xulosasiga ko‘ra, marhumning tanasida bosh va yuz qismi, bo‘yin, yelka sohalarida o‘q otilishiga xos og‘ir jarohatlar aniqlangan.

Ukaga nisbatan Jinoyat kodeksining 97-moddasi 1-qismi (qasddan odam o‘ldirish) bilan jinoyat ishi qo‘zg‘atilgan. U prosessual tartibda ushlangan.