16 aprel kuni tong sahardan boshlab yoqqan yomg‘ir Samarqand shahri ko‘chalarini yana xarob ahvolga keltirib qo‘ydi. Shaharning bir qator ko‘chalarini yana suv bosdi.
Ayniqsa xalq tilida Makaronka nomi bilan mashhur bo‘lgan ko‘chadagi drenaj tizimlari ham yig‘ilgan suvga dosh bera olmaganini ko‘rishimiz mumkin, deb yozmoqda Xalq so‘zi nashri.
Eslatib o‘tamiz, 29 mart kuni ham Samarqandda kuchli yomg‘ir yog‘ishi natijasida yo‘llarni suv bosgan. Suv hattoki ko‘plab xonadonlarning ham ichigacha kirib borgani tasvirlangan videolar tarqalgandi.