Ukraina Bosh prokuraturasi ukrainalik harbiy asirlarning rus askarlari tomonidan qatl etilganiga oid 100 dan ortiq holatlarni rasman qayd etgan, biroq aslida bu raqamlar ancha ko‘p bo‘lishi mumkin.
Bu haqda Ukraina Oliy Radasining Inson huquqlari bo‘yicha komissari Dmitriy Lubinets «NV» radiosiga bergan intervyusida gapirdi.
«Menga ma’lum bo‘lishicha, Bosh prokuratura ma’lumotlariga ko‘ra, rossiyaliklar tomonidan 100 dan ortiq ukrainalik harbiy asirlarni otib tashlash holatlari qayd etilgan. Rossiya tomonidan qatl etilgan ukrainalik harbiy asirlarning umumiy soni hozirda 102 nafarni tashkil etmoqda,» - dedi u.