Rossiyaning Polshadagi elchisi Sergey Andreev Polsha Tashqi ishlar vazirligiga chaqirildi. Bu haqda tashqi ishlar vaziri o‘rinbosari Markin Pshidach TVN24 telekanalida ma’lum qildi.
“Soat 11:00 da (Toshkent vaqti bilan 14:00) elchi Sergey Andreev Rossiyaning o‘tgan haftadagi harakatlari munosabati bilan TIVda bo‘ladi”, — deya Pshidach so‘zlaridan iqtibos keltiradi RIA Novosti.
Avvalroq Rossiyaning Germaniyadagi elchisi Sergey Nechayev Rossiya tarkibiga yangi hududlarning qo‘shib olinishi munosabati bilan Germaniya tashqi ishlar vazirligiga chaqirilgani xabar qilingandi.