Rossiyalik yana bir general Ukrainada halok bo‘ldi.
6 noyabr kuni Donesk yaqinida Ukraina kamikadze-dronlarining hujumi natijasida Rossiya Qurolli kuchlari general-mayori Pavel Klimenko halok bo‘ldi, deb xabar berdi RBK.
Krasnogorovka nazorat punkti hududida dronlari yordamida bir guruh harbiy xizmatchilar, jumladan Klimenkoga hujum qilingan. General mina portlashi natijasida jarohat olgan, bosh suyagi va son qismi shikastlangan. U Doneskning 14-shahar kasalxonasiga, u yerdan esa Respublika travmatologiya markaziga yotqizilgan va shu yerda vafot etgan.
Klimenko 2014 yilda Oplot bataloni asosida yaratilgan 5-Donesk motorli miltiq brigadasiga qo‘mondonlik qildi. 2023 yilda brigada Rossiya armiyasi tarkibiga kirdi. Brigadaga 2018 yilda Doneskdagi kafeda sodir bo‘lgan portlashda halok bo‘lgan tan olinmagan DXRning birinchi rahbari Aleksandr Zaxarchenkoning ismi berilgan.
VGTRKning iyun oyidagi xabarida aytilishicha, ushbu bo‘linma Kuraxovskiy yo‘nalishida harakat qilgan va Krasnogorovkada hujum operasiyalarini amalga oshirgan. «Argumenti i fakti» 2023 yilda brigadada «Storm Z» jangchilari, ya’ni sobiq mahbuslar jang qilganini yozgan.
Klimenko urushda halok bo‘lgan va nomi tasdiqlangan sakkizinchi generaldir.
«Qiyomat muzligi» kutilganidan tezroq xavf sola boshladi
Rossiya o‘z do‘stini yordamsiz tashlab qo‘ymoqchi emas
Er yuzining eng go‘zal ayoli aniqlandi
