Rossiyada ikki o‘zbekistonlik halok bo‘ldi

O‘zbekistonning ikki nafar fuqarosi 17 fevral kuni Moskvaning janubi sharqida yuz bergan mushtlashuv chog‘ida vafot etdi.

Rossiya tashqi ishlar vazirligi matbuot xizmati xabariga ko‘ra, ularning biri voqea joyida, ikkinchisi esa shifoxonaga yetkazilgan chog‘da vafot etgan.

Moskva tergov qo‘mitasi bosh boshqarmasi RF Jinoyat kodeksining 111-moddasi 4-bandi bilan jinoyat ishi ochgan.

Voqea sabab vafot etgan fuqarolarning ismi shariflari ma’lum qilindi: Nusratov Nodirbek G‘ulomqodirovich (29.10.1989) va Nusratov Otabek (24.10.1987).

Elchixonaning konsullik bo‘limi Rossiya hukumati bilan aloqa o‘rnatdi va vaziyatni nazorat ostiga oldi.

Moskva Tergov qo‘mitasi rahbarining ma’lum qilishicha, 17 fevral kuni Volgograd ko‘chasida joylashgan binoning oldida avtomobillarni yuvish shahobchasi xodimlari ishtirokida mushtlashuv yuz bergan.

Jinoyat sabablarini o‘rganishga qaratilgan tergov harakatlari davom etmoqda.

gazeta.uz