Rossiyada bola ota-onasini o‘lik holda topdi

Sankt-Peterburgda 1 avgust, yakshanba kuni ertalab bola ota-onasini o‘lik holda topdi. Bu haqda telegramdagi "Nevskiye novosti" kanali xabar berdi.

Voqea Sankt-Peterburgning Krasnosel tumanidagi Avangard ko‘chasidagi kvartirada sodir bo‘lgan. Bola uyg‘onganida, nima uchun ota-onasi uzoq vaqt uxlaganiga hayron bo‘lgan. Ularga yaqinlashib, ularning jasadlari allaqachon sovib qolganini ko‘rdi.

Bola bobosiga qo‘ng‘iroq qildi, ular avvaliga nevarasining gapiga ishonishmadi. Oilaviy do‘sti esa tez yordam va polisiyani chaqirdi. Bolaning so‘zlariga ko‘ra, bir kun oldin ota-onasi aroq ichgan.