Rossiya Prezidenti qayta emlanishi mumkin

Rossiya prezidenti Vladimir Putin koronavirus infeksiyasiga qarshi qayta emlanishi mumkin. Bu haqda davlat rahbari matbuot kotibi Dmitriy Peskov «Rossiya» telekanali efirida aytib o‘tdi.

Kreml vakilining so‘zlariga ko‘ra, Putin ekspertlar tavsiyasidan keyin qayta emlanish to‘g‘risida qaror qabul qiladi.

«Men bunga shubha qilmayman. Hammasi mutaxassislarning maslahatiga bog‘liq», dedi Peskov.

Uning qo‘shimcha qilishicha, avvalroq Putin o‘zida antitanachalar titri yuqori darajada ekani haqida aytgan edi. Shu bois endi qayta emlanish tibbiy ekspertlar Rossiya prezidentiga nimani tavsiya qilishiga bog‘liq bo‘ladi.