Rossiyada muhojirlar ustidan nazoratni kuchaytirish choralari doirasida polisiya xodimlariga deportasiya rejimi ostidagi xorijliklar yashaydigan uylar va boshqa binolarga ruxsatsiz kirish huquqi beriladi. Yangi tartib 5 martdan kuchga kiradigan qonunda mustahkamlangan, deb yozadi “TASS”.
Polisiya davlat organlari va boshqa mamlakatlar hokimiyat organlaridan nazorat qilish uchun zarur bo‘lgan ma’lumotlar va hujjatlarni, shu jumladan tijorat, bank yoki soliq sirlari hisoblangan ma’lumotlarni so‘rashi mumkin. Bundan tashqari, polisiya banklardan xorijliklarning bank hisob raqamlari borligi va ushbu hisobvaraqlar orqali pul harakati to‘g‘risidagi ma’lumotlarni olishlari mumkin bo‘ladi.
Shuningdek, Ichki ishlar vazirligi xodimlari turli texnik vositalar yordamida xorijliklarni kuzatib borish imkoniyatiga ega bo‘ladi. Bu chet elliklarning Rossiyada qolishlariga yordam beradigan odamlar va kompaniyalarga ham tegishli. Polisiya mobil qurilmalar, geolokasiya va to‘lov tizimlari ma’lumotlari, shuningdek, yuzni tanish texnologiyalaridan foydalanishi mumkin bo‘ladi.
5 martdan boshlab Rossiyada mamlakat hududida noqonuniy bo‘lgan chet el fuqarolari yoki fuqaroligi bo‘lmagan shaxslarni chiqarib yuborishning yangi tartibi joriy etiladi. Uning doirasida chet ellik huquqbuzarlarning muayyan huquq va erkinliklari cheklanadi hamda ularga migrasiya sohasida davlat nazorati choralari qo‘llaniladi.
Rus gazi to‘xtashi qaysi davlatlarga ta’sir qiladi, qaysilariga ta’sir qilmaydi?
Rossiya Yaponiya va Janubiy Koreyaga hujum qilish rejalarini ishlab chiqdi – FT
Turkiya Suriyaga va’da berdi
