NATO bosh kotibi Mark Ryutte Anqarada bo‘lib o‘tayotgan sammitda Rossiyani Alyans uchun hozirgi va uzoq muddatli eng asosiy tahdid deb atadi.
«Rossiya hozir ham, uzoq istiqbolda ham eng katta tahdiddir», — dedi Ryutte. U bu fikrini Rossiyaning Ukrainaga qarshi urushi va Moskva harbiy qudratini kuchaytirayotgani bilan izohladi.
«Biz Ukrainaga qarshi aqlga sig‘maydigan tajovuzkor urushni ko‘ryapmiz. Unda Putin 35 ming nafar o‘z askarini qurbon qilishga tayyor», — deya qo‘shimcha qildi NATO bosh kotibi.
Ryutte, shuningdek, NATO uchun xavf-xatarlar faqat Rossiya bilan cheklanmasligini ta’kidladi.
«Rossiya Shimoliy Koreya, Eron va Xitoy bilan hamkorlik qilmoqda. Aynan shu to‘rtlik biz duch kelayotgan asosiy uzoq muddatli tahdiddir», — dedi u.
Bu bayonot sammit yakunlari bo‘yicha qabul qilinishi kutilgan Anqara deklarasiyasiga ham kiritiladi. 32 davlat elchilari ma’qullagan hujjat loyihasiga ko‘ra, Rossiya «Evroatlantika xavfsizligi va barqarorligi uchun uzoq muddatli tahdid» sifatida baholanadi.
Ryutte o‘z chiqishida Turkiyaning NATO uchun strategik ahamiyatiga ham alohida to‘xtaldi.
«Turkiya NATO uchun nihoyatda muhim davlat. Sizlar Alyansdagi eng kuchli armiyalardan biriga egasizlar — yaxshi jihozlangan va yuqori darajada tayyorlangan qo‘shinlarga», — dedi NATO bosh kotibi.
Hindiston TIV Rossiya diplomatini chaqirtirdi
Rossiyada migrantlarni deportasiya qilish uchun asoslar kengaytirildi
1 avgustdan avtomobillar uchun gaz bepul bo‘ladi
