Rossiya Hukumati Buyuk Britaniya parlamenti Lordlar palatasining 154 nafar a’zosiga shaxsiy cheklovlar kiritdi va ularning mamlakatga kirishini taqiqladi. Bu haqda Rossiya Tashqi ishlar vazirligi tarqatgan bayonotda keltirilgan.
“Hozirda mamlakatimizga kirishi taqiqlangan bu shaxslar Londonda Rossiyani siyosiy yakkalab qo‘yish va uning iqtisodiyotini yo‘q qilish uchun sharoit yaratishga qaratilgan sanksiyalarni ishlab chiqishga bevosita hissa qo‘shgan”, deyiladi xabarda.
Qayd etilishicha, bu Buyuk Britaniya hukumatining joriy yilning mart oyida Rossiya Federasiyasi Federal Majlisi Federasiya Kengashining deyarli butun tarkibini sanksiyalar ro‘yxatiga kiritish to‘g‘risidagi qaroriga javobdir.
Eslatib o‘tamiz, avvalroq Buyuk Britaniya Ukrainadagi harbiy “maxsus operasiya” munosabati bilan bir qator rossiyaliklar va Rossiya kompaniyalariga qarshi sanksiyalar joriy qilgan edi. Sanksiyalanganlar orasida Rossiya Prezidenti yordamchisi Maksim Oreshkin, Mudofaa vaziri o‘rinbosari Nikolay Pankov va “Rostex” davlat korporasiyasi bosh direktori Sergey Chemezov ham bor.
Dronlar Rossiyaning eng yirik neftni qayta ishlash zavodiga hujum qildi
Ukraina Rossiyani «qurollantirmoqda»
Rossiyadagi tojiklarga mehnat patenti berilmaydi
