Rossiya Eronga hech qanday qurol yetkazib bermagan

Rossiya prezidenti Vladimir Putin Rossiyaning Eronga qurol yetkazib bergani haqidagi ayblovlarni rad etdi.

Sankt-Peterburg xalqaro iqtisodiy forumi (SPIEF) yalpi majlisida so‘zlagan Putin bu masalaga qisqacha to‘xtalib o‘tdi.

«Biz Eronga hech qanday qurol yetkazib bermadik», — dedi Rossiya rahbari.

Putin mazkur bayonot bilan Moskvaning Tehronga harbiy yordam ko‘rsatayotgani haqidagi da’volarga munosabat bildirdi.

So‘nggi yillarda G‘arb davlatlari va bir qator xalqaro kuzatuvchilar Rossiya hamda Eron o‘rtasidagi harbiy-texnik hamkorlik yuzasidan xavotir bildirib kelmoqda. Moskva va Tehron esa ikki davlat o‘rtasidagi munosabatlar xalqaro huquq normalariga muvofiq rivojlanayotganini ta’kidlab keladi.

Putinning so‘zlariga ko‘ra, Rossiya tomonidan Eronga qurol yetkazib berish amalga oshirilmagan va bu boradagi ayblovlar haqiqatga to‘g‘ri kelmaydi.