Reuters: NOVATEK o‘zining "Arktik SPG 2" loyihasi doirasida suyultirilgan gaz ishlab chiqarishni to‘xtatdi

Reuters: NOVATEK o‘zining "Arktik SPG 2" loyihasi doirasida suyultirilgan gaz ishlab chiqarishni to‘xtatdi.

Nashrning ikki manbaga tayanib yozishicha, bunga sanksiyalar va suyultirilgan gazni tashish uchun tankerlar yetishmasligi sabab bo‘lgan. Manbalardan biri ob’ektda qurilish ishlari hali ham davom etayotganini qayd etgan.

Fevral oyida kompaniya Koreyaning Hanwha Ocean kemasozlik zavodidan uchta gaz tashuvchini qabul qila olmagani xabar qilingan edi, chunki buyurtmachi AQSh sanksiyalariga duchor bo‘lgan "Sovkomflot" tuzilmasidagi kompaniya hisoblanadi. Yana uchta tankerni yetkazib berish ishchi kuchi yetishmasligi sababli kechiktirildi.