«Real Madrid» ukrainalik futbolchi uchun katta mablag‘ sarflashga tayyor

22 yoshli ukrainalik markaziy himoyachi Ilya Zabarniy Angliyaning «Bornmut» klubini tark etishi mumkin.

Ispaniyalik manbaning xabariga ko‘ra, futbolchini uzoq vaqt davomida «Real Madrid» prezidenti Florentino Peres kuzatgan va u futbolchini transfer qilish uchun klubga yashil chiroq yoqqan. «Bornmut» ukrainalik futbolchini kelasi yozda 60 million yevroga sotishga tayyor va «Real» bu transfer uchun asosiy favoritlardan biri bo‘ladi.

2024/25 yilgi mavsumda Ilya Zabarniy klub miqyosida 13 ta o‘yin o‘tkazdi. «Transfermarkt» portali uning qiymatini 32 million yevroga baholagan.