Turkiy davlatlar tashkiloti (TDT) huzuridagi Fatvo hay’ati 2026 yilda Ramazon oyining birinchi kuni 19 fevral, payshanbaga, Ramazon hayiti esa 20 mart, juma kuniga to‘g‘ri keladi, degan qaror qabul qildi.
Qaror Samarqandda bo‘lib o‘tgan Fatvo hay’ati yig‘ilishida qabul qilindi. Unda turkiy davlatlar musulmon jamoalarining birligini mustahkamlash hamda diniy amallarni ilmiy asoslar bilan uyg‘unlashtirish muhimligi ta’kidlandi.
Ma’lumot uchun, yig‘ilishda Turkiya, Ozarboyjon, Qozog‘iston, Qirg‘iziston, O‘zbekiston hamda kuzatuvchi davlatlar — Turkmaniston va Vengriya vakillari ishtirok etdi.