Qurigan Orol dengizi tubida marafon bo‘lib o‘tadi

Madaniyat va san’atni rivojlantirish jamg‘armasi Qoraqalpog‘istonda bo‘lib o‘tadigan yangi marafon haqida e’lon qildi.

ARAL ULTRA – xalqaro ultramarafoni yugurish yo‘laklari sobiq Orol dengizining tubi bo‘ylab o‘tadi, sho‘rxoklar va Orolqum sahrosi orqali o‘tadi. Asosiy poyga 2026 yil 3-4 oktyabr kunlari Qoraqalpog‘iston Respublikasida, Ustyurt yassitog‘ligida o‘tkaziladi.

Tadbirdan maqsad: Orol dengizi qurishi oqibatlariga e’tibor jalb etish, mintaqaning rivojiga hissa qo‘shish.

Marafon shakli “trail running”, ya’ni tabiiy relyefda yugurish bo‘lib, unda individual sportchilar yoki jamoalar ishtirok etishi mumkin. Ishtirokchilar 100, 50, 25 yoki 15 km masofalarga yugurishlari mumkin.