Nur-Sulton, Olmaota va Qarag‘an shaharlarida «Rossiya kunlari»ni o‘tkazish masalasi Rossiya madaniyat vazirining o‘rinbosari Alla Manilova va Qozog‘iston madaniyat va sport vaziri Aktota Raimqulova tomonidan muhokama qilindi. Bu haqda Qozog‘istonning Rossiyadagi elchixonasi matbuot xizmati xabar qilmoqda.
Ta’kidlanishicha, tadbirlar 7-11 oktyabr kunlari bo‘lib o‘tadi. Uchrashuvda tomonlar, shuningdek, 2020 yilga mo‘ljallangan hamkorlikdagi ishlarni ham muhokama qilishdi. Rossiya tomoni Ulug‘ Vatan urushidagi G‘alabaning 75 yilligiga bag‘ishlangan tadbirlarni birgalikda o‘tkazishni taklif qildi.
Raimqulova ijodiy folklor va teatr jamoalari uchun tanlovlar o‘tkazishga e’tiborni qaratdi, shuningdek, Rossiya san’atkorlarini Qozog‘istonda bo‘lib o‘tadigan xalqaro festivallarda ishtirok etishi masalasi muhokama qilindi.
Eslatib o‘tamiz, 7 oktyabrdan 11 oktyabrgacha Moskvada Qozog‘iston madaniyati kunlari bo‘lib o‘tadi.