Qozog‘iston Prezidenti Qasim-Jomart Toqayev raisligida Favqulodda vaziyatlar bo‘yicha davlat komissiyasining yig‘ilishi bo‘lib o‘tdi. Bu haqda Davlat rahbarining matbuot kotibi Berik Uali "Facebook" sahifasida yozdi.
Unda viloyatlar va respublika ahamiyatiga ega shaharlar hokimlari, shuningdek, davlat organlari va huquqni muhofaza qilish idoralari rahbarlari videokonferensiya orqali ishtirok etdilar. «15 aprelda favqulodda holat to‘g‘risidagi qarorim amal qilish muddati tugaydi. Favqulodda holat rejimi kamida aprel oyining oxirigacha uzaytirilishi kerakligi allaqachon aniq bo‘ldi. Bizda hali ham koronavirus epidemiyasi cho‘qqisiga chiqqani yo‘q. Epidemiya bilan bog‘liq vaziyatga yengil qarab bo‘lmaydi. Shuning uchun men poytaxt, Olmaota va Chimkentda va tegishli viloyatlarda karantin rejimi muddatini aprel oyining oxirigacha uzaytirishni buyuraman. Bu eng yaxshi qaror emasligini tushunaman. Chunki odamlar ko‘chaga chiqib, normal hayot kechirishni xohlashadi. Ammo karantin rejimini va izolyasiyani uzaytirishdan boshqa yo‘l yo‘q. Bu mahalliy va xalqaro virusologlarning tavsiyalari», - dedi Prezident.
O‘g‘ri bojxonachilar 26 tonna oltin bilan qo‘lga tushdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
Armaniston shu yilning o‘zidayoq Yevropa Ittifoqiga kirishga tayyor
