Qoraqalpog‘istondagi falokatda «Xalq so‘zi» muxbiridan tashqari yana 3 kishi halok bo‘lgan

Qoraqalpog‘istonda sodir bo‘lgan avtohalokat natijasida to‘rt kishi, jumladan «Xalq so‘zi» muxbiri Saidjon Maxsumov vafot etdi.

Qayd qilinishicha, Nukusdan Toshkent qaytayotgan transport Tuproqqal’a hududida boshqaruvini yo‘qotib yuk mashinasiga borib urilishi natijasida to‘rt nafar fuqaro, haydovchi va uch nafar yo‘lovchi halok bo‘lgan. Ularning orasida 36 yoshli jurnalist Saidjon Maxsumov ham bo‘lgan.

Aytishlaricha, Maxsumov qaytishidan bir-ikki kun muqaddam samolyotda Toshkentga qaytish istagida chipta qidirib hamkasblariga, tanishlariga murojaat qilgan. 21 sentyabrgacha Toshkentga Nukusdan chipta bo‘lmagan. Festivalni tashkil qilgan vazirlik nega jurnalistlarning borish-kelishini tashkillashtirib bermagani bizga qorong‘i...